|
Dum vintro ŝtormas kaj fridas...
Teksto - L. Derbenjov;
muziko - A. Zacepin;
traduko - P. Moĵaev
(kanto el la filmo "Ivan Vasiljeviĉ ŝanĝas la profesion")
Dum portas nin la ter'
Ni kredas je la sam':
Ni pensas kun esper'
Pri la am', pri la am'.
Ni ĉiam serĉas ĝin,
Sed en la vivo-hast'
Vera am', vera am'
Estas rara gast'.
Refreno:
Dum vintro ŝtormas kaj fridas,
Dum pluvoj vipas-senbridas,
Dum steloj kure rapidas -
En kutima mizer'
La homoj homojn ne vidas,
La homoj homojn malfidas,
La homoj homojn perfidas
Kaj solecas eterne sur ter'...
Danĝera amo-ŝajn'
Vin gvatos tie ĉi:
Vi trovos amon - kaj
Misos ĝi, misos ĝi.
Perfidos l' amo vin,
Sed en la vivo-kur'
Tedas nin, tedas nin
Pensi pri l' futur'.
Refreno.
Sed ja ekzistas ĝi -
Plej kora mia am',
Kreita nur por mi
Por etern', por ĉiam'.
Mi serĉas plu sen fin',
Sed en la vivo-bril'
Trovi ĝin, trovi ĝin
Estas malfacil'.
Refreno.
El "Pluke-Traduke"
La kant-albumo de Paŭlo Moĵajev.
Lernu kune! > Kantoj > Dum vintro ŝtormas kaj fridas...
|
|
|
|
